MISIS, NAGAWA PANG MABUNTIS NG YUMAONG MISTER

Narito po ang mga kakaibang artikulo na aking nakalap. Sana po ay ma-enjoy ninyo silang basahin. 

OH my Gulay, hindi ko talaga napigilan ang labis na mamangha ng mabasa ko ang artikulo na ito kaya naisipan kong ibahagi sa inyo. Isang British woman ang dumayo sa Europe para sa IVF. Nais kasi niyang mabuntis muli  kaya kailangan niyang ilagay sa kanyang katawan ang sperm ng yumao niyang mister.

Kung mayroon kang minamahal, hindi ba siya lang ang naiisip mong makasama sa habambuhay. Siya lang din ang tanging tao na gugustuhin mo na maging ama o ina ng iyong magiging anak. Iyon nga lang kung minsan mapaglaro ang kapalaran. Tulad ng businessman na si  Diane Blood, na-coma  ang kanyang mister na si Stephen at hindi niya iyon matanggap. Ngunit, kahit naman ano ang pagngawa ang gawin niya ay hindi na  muli pang magigising ang kanyang asawa.

Bigla tuloy  naisip niya n asana ay magkaroon pa sila ng isa pang anak. At alam niyang magagawa niya iyong matupad dahil sa tulong ng IVF. Kaya naman habang hindi pa humihinto ang tibok ng puso ng kanyang mister ay naisipan niyang kumuha ng sperm sa katawan nito.

Against man sa UK law  ang kumuha ng sperm cell sa katawan ng lalaki na wala itong written consent para gamitin sa IVF, nagawa rin makakuha ng consent si Diane at naaprubahan iyon sa kanilang bansa. Bukod kasi sa asawa naman niya ang lalaking kukuhanan niya ng sperm cell ay makikita ang determinasyon niya na magkaroon pa sila ng isa pang anak.

Ang Human Fertilization and Embryology (HFEA) ay hindi na nagawang kontrahin ang gusto ni Diane. Marahil ay nakikita rin nila sa mata ng babae ang labis na pagmamahal sa kanyang asawa.

Iyon nga lang, hindi naipangako ng doctor na mabubuntis siya ng ng hundred percent dahil  nang kuhanin sa katawan ng mister niya ang sperm na iyon ay nasa coma na ito. Gayunman, nanalig pa rin siya na masusundan pa ang kanilang panganay. At himala ngang nagawa pa niyang mabuntis matapos siyang IVF.

Ah, talaga ngang maraming kakaibang nangyayari sa mundo na ito talagang kamangha-mangha ngunit dahil sa tulong ng siyensiya ay nagkakaroon ito ng katuparan. Marahil nga ay ipinagkaloob na rin ni God na mabigyan pa siya ng ikalawang anak gamit ang sperm cell ng  ng kanyang  yumaong asawa. Nabuntis kasi siya matapos mawala ng tuluyan si Stephen sa mundong ito.

.