PAGI-EXERCISE NG 30 MINUTES KADA ARAW , MAS EPEKTIB

Narito po ang mga kakaibang artikulo na aking nakalap. Sana po ay ma-enjoy ninyo silang basahin. 

AYON sa malikhaing pag-iisip ng mga mananaliksik, mas effective sa mga may katabaan ang pagi-exercise ng kalahating oras kaysa patagalin pa nila ito ng isang oras.

Para sa mga babaeng determinado na manatili silang seksi, maiging nag-eehersisyo sila ng isang oras upang tuluyang ma-burn ang kanilang taba. Kayang-kaya naman nilang kontrolin ang kanilang sarili sa pagkain. Kung mapapagod nga sila ay mas gugustuhin pa nila ang magpahinga kaysa kumain. At kung kakain man sila, sisiguraduhin nila na masusuntansiya ang kanilang kakainin. Ibig nila na magkaroon ng magandang katawan at kaakit-akin na kutis kaya naman, prutas at gulay ang karaniwan nilang kinakain.

Samantalang, ang mga sanay na kumain naman, ay agad naghahanap ng ref at restaurant kapag natapos silang mag-ehersisyo. Pakiramdam kasi nila ay hinang-hina sila at ang paraan lang para makabawi sila ng lakas ay kumain nang kumain. Kaya naman, nawawalan ng bias ang pag-eehersisyo nila ng isang oras. Samantalang kung 30 minutes lang silang mag-eehersisyo ay hindi sila makakaramdam ng  sobrang pagod.

Kaya naman sa pagsasaliksik na isinagawa ng mga mananaliksik sa University of Copenhagen, ay napag-alaman na kapag mas maikli ang pag-eehersisyo ay mas epektibo. Mas masaya pa ang mga nag-exercise dahil hindi sila gaanong napagod kaya naman, nagagawa pa nilang makapag-smile ng husto.

Sabi ni Professor Bente Stallknecht, ng University Department of Biomedical Sciences, ang sobrang katabaan ay isang problema na kung hindi ka magiging disiplinado ay hindi ka magiging matagumpay sa layunin mong magpapayat.

Kaya, makabubuti talaga kung hindi ka magpapakapagod sa pag-eehersisyo. Kapag naramdaman mo kasi na nawawalan ka ng lakas, siguradong maghahagilap ka agad ng pagkain. Kungganoon ang gagawin mo, para ano pa at nag-ehersisyo ka.

Slowly but surely, ito ang pinakamabuting gawin ng mga gustong magpapayat. Partikular na iyong mga nag-uumpisa pa lamang mag-ehersisyo. Ngunit, kailangan kapag 30 minutes na ehersisyo ang iyong gagawin ay gagawin mo ito araw-araw. Para naman ang mga kinain mo moong nagdaang araw ay tuluyang mawala.

O, exercise na? Promise, 30 minutes lang ang kailangan mo at siguradong papayat ka pagkalipas ng isang buwan. Basta, huwag ka madaya, okay?