Babala sa mga mahilig magpapak, Pagkaing piniprito, nakaka-stroke!

DAHIL nga sa ibig ng ilan na makapag-diyeta, kakaunti na lamang ang kanilang kinakain. Magiging matagumpay ang kanilang pagdidiyeta kung ang pagkain nila ng prutas, gulay at kaunting karne ay sasabayan pa nila ng pag-eehersisyo. At kapag kanila nga iyong napanindigan, siguradong sa paglipas ng ilang linggo ay magkakaroon na sila ng kaakit-akit na katawan.

O, ikaw nagdidiyeta ka ba?

Bagamat marami ang nag-aambisyong  magkaroon ng 26-36-26 na vital statistic, may kanya-kanya naman silang paraan para pumayat. Ikaw, nag-eehersisyo ka ba? O mas pinipili mong kumain ng masusustansiya at sinasabayan ng ehersisyon? O, baka ikaw naman ang tipo na walang oras sa pag-eehersisyo pero kaunti lang ang kinakain.

Well, okay naman iyon, pero, ano ba ang iyong kinakain? Kung ang pinipili mong kainin ay iyong mga piniprito lang tulad ng fishball, fried chicken, lumpiya at kung anu-ano pang pinipritong pagkain, kailangan mong basahin ang artikulo na ito.

Sa pagsasaliksik kasi ay napagtantong ang mga taong mahilig kumain ng pinirito ay malaki ang tendensiya na magkakaroon siya ng stroke pagdating ng araw. Sabi nga ni Suzanne Judd ng University of Alabama sa Birmingham, ang mga taong malimit ma-stroke ay iyong mahilig sa French fries, hamburgers, hotdog at kung anu-ano pang mga pagkain na ibinababad sa mantika.

Ang mga piniprito kasing pagkain ay maraming asin kaya naman siguradong tataas ang iyong presyon kapag hindi ka maawat sa pagkain nito.

Ano ba ang pakiramdam mo kapag panay ang kain mo ng mga pinirito? Hindi ba kalimitan ay nakakaramdam ka ng pananakit ng ulo, lalo na  kung ang nilalantakan mo ay fried chicken, porkshop at lechong kawali. 

O, mahilig ka ba sa pinirito?

Okay lamang na kumain ka nito pero, kailangan naman na sabayan mo ng kanin. Kung pinirito  lang kasi ang kakainin mo ay m,ay tendensiya na mapaparami ang kain mo nito. Hindi iyon makabubuti sa’yong katawan.

Kung plano mo naman talagang pagpapayat, makabubuting ang wastong pagkain para sa mga nagdidiyeta ang itong kakainin. Kung kakain ka rin kasi ng mamantika, siguradong walang kuwenta ang iyong pagpapayat. Kahit pumayat ka, siguradong sa pagtanda mo ay ikaw din ang magdurusa dahil may posibilidad na ma-stroke ka.