Paggamit ng sabon at shower gels, maaaring magkaroon ng sexual transmitted disease

AYON sa eksperto, paggamit ng sabon at shower gel ay malaki ang tendensiya na siya ay magkakaroon ng sexual transmitted disease.

Amoy malansang isda ang pakiramdam ng mga babae kapag mayroon siyang buwanang dalaw. Kaya naman kapag mayroon siyang mens ay sinisiguro niyang malinis parati ang kanyang pakiramdam.  Magagawa lang niya iyon kung lagi siyang magpapalit ng napkin at makabubuti rin kung lagi niya iyong sasabunin o gagamit siya ng shower gel upang mas maging malinis ang kanyang pakiramdam. O, gumagamit ka ba ng ganito kapag mayroon kang buwanang dalaw?

Mas makabubuti talaga sa isang babae kung magiging malinis siya sa kanyang katawan. Sigurado kasing marami ang sa kanya ay hahanga. Ang tunay na kagandahan kasi ay hindi lang makikita sa pisikal na anyo. Siyempre, titingnan din ang kanyang hygiene. Sabi nga, kahit gaano kaganda ang isang babae ay nababalewala kung siya ay may putok o masangsang ang kanyang amoy dahil sa regla.

Yuck!

Gayunman, kung ikaw ang tipo ng babae na parating gumagamit ng sabon at shower gel, kailangan mong basahin ang artikulo na ito upang ikaw ay aking mabalaan. Sa aking pagsasaliksik kasi ay napagtanto ko na ang paggamit pala ng sabon at shower gel, ay maaaring makapagbigay sa’yo ng sexual transmited disease.

Oh my! Sa pagkakaalam kasi natin na ang ganitong karamdaman ay kalimitan lang nakukuha kapag ang isang babae ay may nakatalik na  lalaking mayroong ganitong karamdaman. Pero, kung pakakaisipin mong mabuti ay nakasisiguro ako na  itatanong mo rin kung saan nga ba nagmula ang mga ganitong sakit.

Sa aking pagsasaliksik ay hindi ko napigilan ang mamangha. Nakagigilalas naman kasing isipin na an gang sakit palang ito ay maaaring makuha sa sabon at shower gel.

O, hindi nga ba ang mga ganitong gamit ay para lamang maging malinis ang iyong katawan kaya’t talagang nakamamangha ang bagong tuklas na ito.

Ang mga mananaliksik kasi sa University of California ay nagsabing ang sabon at shower gels ay maaaring makasira sa sensitive tissues na naroroon sa kanyang puwerte kung panay ang gamit niya sa ganitong uri ng panlinis. Kung mangyayari nga iyon ay  maaari siyang maimpeksyon at magkaroon ng herpes, chlamydia at HIV.

Ang babala pa ni Joelle Brown, may mga produkto ng sabon at shower gel na makapagbibigay pa sa’yo ng bacterial vaginosis,  ang kondisyon na ito ay maaari pang makapagpalala sa kondisyon  kaya maaari ka talagang magkaroon ng sexual transmitted disease.

O, nanaisin mo pa bang magkaroon nito.?