TSAA, nakakalagas ng ngipin at nakapagpaparupok ng buto

ANG labis na pag-inom ng tsaa ay nakakalagas ng ngipin at magkakaroon ng marupok na buto.  Take note, kapag sumobra. Sa isang artikulo kasi natin ay nakakapagpatibay ng ngipin ang pag-inom ng tsaa. Ngunit sabi nga, lahat ng sobra ay masama. 

Ang bawat isa sa atin ay mayroong paboritong inumin. Pakiramdam nila ay kulang ang kanilang araw kapag hindi sila nakakainom ng kape, soft drinks o juice. Ngunit, kailangan mo ring tandaan na ang labis na pag-inom ng alinman sa mga ito ay nagkakaroon ng masamang epekto sa ating katawan. Maaari kang nerbiyosin kapag uminom ka ng labis na kape kapag naman sumobra ang pag-inom mo ng softdrinks at juice ay maaari kang magkaroon ng diabetes.

Kaya naman may mga tao na sasabihing tubig o tsaa na lamang ang kanilang iinumin para hindi sila magkaroon ng diabetes.

Teka, sobra-sobra ka ba kung uminom ng tsaa?

Kung sasabihin mong ‘oo’ kailangan mong mabasa ang artikulo na ito. Sa akin kasing pagsasaliksik ay napagtanto ko na ang 47 na taong gulang na babae, taga-Michigan, ay bigla na lang nalagas ang kanyang mga ngipin at pakiramdam niya ay nananakit ang kanyang mga buto.. Nang suriin siya kung bakit ganoon ang nangyari sa kanya ay napagtantong dahil iyon sa labis niyang pag-inom ng tsaa.

Ayon sa kanyang kuwento, ang isang pitsel ay nilalagyan niya ng 100 tea bags at iinumin niya iyon kada araw. Napakalinamnam  kasi noon sa kanya kaya naman kahit araw-araw siyang umiinom noon ay hindi niya pinagsasawaan. Iyon nga lang doon ay nalagas ang kanyang ngipin at nananakit na ang kanyang mga buto.

Ayon sa espesyalista na sumuri sa kanya ay napagtanto na mayroon siyang skeletal fluorosis, ang bone disease na ito ay dahil sa labis na fluoride na nakuha niya sa labis na pag-inom niya ng tsaa. Bituin mo ba naman sa loob ng 17 taon ay wala siyang palya na umiinom ng tsaa.

Nalaman lamang niya ang kanyang karamdaman ng maramdaman niyang naninigas ang kanyang likod, braso, binti at palakang. Hindi na rin niya kayang maipaliwanag ang sakit na kanyang nararamdaman doon  kaya naman agad siyang nagpunta sa Henry Ford Hospital na matatagpuan sa Detroit.

O, ikaw, umiinom ka ba ng tsaa?

Okay lang naman na uminom ka pero huwag namang sobra kung ayaw mong magaya sa tauhan natin sa artikulo na ito. Sige ka baka mamaya ay magkalagas-lagas na ang iyong ngipin tapos maramdaman mo pa ang kung anu-anong sakit na nasa iyong likod, braso, balakang at binti dahil sa kakaibang sakit na makukuha sa labis na pag-inom ng tsaa.