GOOD MANNER AND RIGHT CONDUCT, MAAARI KANG MALAYO SA KARAMDAMAN

Narito po ang mga kakaibang artikulo na aking nakalap. Sana po ay ma-enjoy ninyo silang basahin. 

ANG taong mayroong good  manner and right conduct ay talagang kahanga-hanga. Dahil sa ganda ng ugali na kanyang ipinapakita, marami ang rumerespeto sa kanya. Sigurado pang siya ay kagigiliwan.

Ikaw, alam mo ba ang tama at mali? Ina-apply mo ba ang good maners and right conduct na natutunan mo sa eskuwelahan? Ang kabutihan din ng ugali ay nagsisimula sa inyong tahanan kaya sure ako na kung mula ka sa mahusay na pamilya, hindi mo makalilimutang gawin ang kagandahang asal.

Ginagawa mo ba ang mga kabutihan na iyong natutunan? Sana naman ay ‘oo’. Siguro naman ay gusto mo rin naman na katuwaan ka ng mga tao, hindi ba? Bukod pa  rito ay nais kong sabihin na ang pagpapakita ng kabutihang asal ay may kagandahan ding idudulot sa’yong kalusugan.

Sa akin kasing pagsasaliksik ay nagawa kong mapatunayan na kapag gumagawa ka ng kabutihan o ini-a-apply mo ang good manners and right conduct, hindi ka magkakaroon ng kung anu-anong karamdaman.

Ang karamdaman ay kalimitan na naisasalin sa atin dahil masyado tayong dumidikit sa isang tao. O, hindi ba kapag ikaw ay malapit na malapit sa isang tao, mapababae man o mapalalaki ay parang hindi mo ginagamit ang kabutuhan na itinuro sa’yo?

Kung ikaw ay lalaki at type mo ang babaeng iyong kausap, siguradong gugustuhin mo na mapalapitr ng husto sa kanya. Masama mang pakinggan pero magti-take advantage ka sa sitwasyon para sa kanya ay maka-tsansing. Kung ikaw ay may mabuting ugali, sure ako na kahit na gusto mo ang babae ay magiging gentleman ka sa kanya. Magagawa mo ito kung bahagya kang lalayo sa kanya.

Sabi nga ni Dr. Val Curtis, mula sa London School of Hygiene and Tropical Medicine. “Kung gagamitin lang natin ang mga kabutihan na ating natutunan ay malalayo tayo sa karamdaman.”

Bagamat maganda o pogi ang isang tao ay hindi natin alam kung anong klaseng sakit ang nasa kanyang katawan. Maaaring may sakit siyang nakuha mula sa kanyang paglalakbay at kung lalapit ka sa kanya ng todo ay maaari kang mahawa.

Kung makikipag-shakehands ka sa isang tao, maaaring magkaroon ka ng salmonella bacteria. Kung ikaw naman ay aakbay o yayakap ay maaari kang magkaroon ng hepatitis o syphilis. Huwag ka na makibahagi pa sa mikrobiyo na kanyang dala. Sabi nga, ang tao ay maikukumpara sa isang bag na microbes. Ito ay iyong mga mikrobiyo na maaaring dumapo sa’yong katawan.

Kaya, tuwina, lagi mong tatandaan ang kabutihang idudulot ng tao na pinapairal ang kanyang good manners at right conduct.