SCREENING FOR CANCER, DEMENTIA AT KUNG ANU-ANO PANG KARAMDAMAN, BAD SA HEALTH!

Narito po ang mga kakaibang artikulo na aking nakalap. Sana po ay ma-enjoy ninyo silang basahin. 

SABI ng mga eksperto, ang screening para malaman kung mayroon kang bowel cancer, breast can cer at dementia, ay hindi makatutulong sa’yo. Sa pamamagitan kasi nito ay madadagdagan lang ang takot sa’yong dibdib.

Para nga raw malaman natin na okay na okay ang ating kalusugan, kailangan nating magpa-check-up.  Kailangan siyempre natin malaman kung ano ang sakit natin at upang magamot ito agad. Kung mayroon tayong ubo o sipon, siguradong agad mawawala kung magpapa-check-up tayo. Basta ang kailangan lang nating gawin ay sundin ang inereseta ng mga doctor. Uminom ng gamot sa tamang oras. At dahil nga mahal natin an gating sarili, pati na rin ang ating pamilya ay gugustuhin natin na maglaho ang anumang sakit na ating nararamdaman.

Aba, napakahirap kayang magtrabaho  tayo ay not feeling well. Kaya naman, kung nanlalata tayo, masakit ang ulo, mahihirapan kang mag-concentrate sa’yong ginagawa. Baka nga magkaloko-loko pa ang iyong trabaho, kaya kailangang iwasan mo itong mangyari. Baka naman mamaya ay mapagalitan ka ng iyong boss. Kaya nga ang sabi, kailangang sure ka palagi na healthy ka.

May mga pagkakataon naman na mabuting-mabuti ang pakiramdam mo sa’yong sarili pero magkakaroon ng screening test sa inyong kompanya o  barangay ay manghihinayang ka na ito ay palampasin. Alam mo naman kasi na ang pagpapa-check up ay napakamahal kaya kung mayroon namang libreng konsultasyon ay siguradong gugustuhin mo ng alamin kung pasado ka sa screening test. Sabi nga ng UK National Screening Committee, kapag sumailalim ka sa screening, asahan mo na mayroong pros at cons o advantage at disadvantage.

Bagamat may malaking advantage ang screening test sa atin, mayroon pa rin itong disadvantage. Sabi nga kasi ng mga eksperto kapag ang isang tao ay sumalang sa screening test at sasabi na mayroon siyang karamdaman, siguradong ang pangamba sa kanyang puso ay mamamahay na. Dahil nga sa alam niya na mayroon siyang karamdaman ay gugustuhin niyang gumaling agad. Dahil tuloy doon ay kung anu-nong gamot ang kanyang iinumin.

Kaya, paalala ng mga eksperto, makabubuti kung hwag basta-basta sasalang sa kung anu-anong screening test. Kahit naman may posibilidad na agad kang gumaling dahil maagang na-detect ang iyong karamdaman, malaki pa rin ang posibilidad na may maidulot na masama sa’yo ang pag-i-screen test.

Aniin mo man o hindi, alam kong nakakaramdam ka agad ng takot kapag sinabi ng doctor na maaari kang magkaroon ng cancer o dementia. Maiisip mo kasi agad na paano ka na at paano na ang mga mahal mo sa buhay na maiiwan kapag hindi ka naghagilap agad ng solusyon. Dahil nga sa may takot ng nararamdaman ang tao, hindi na siya sasailalim pa sa isa pang screening para mapatotohanan ang sinabi ng unang manggagamot. Paano’y natatakot na siya kaya naman ang gamot na ibinigay sa kanya ng nagpa-screen test sa kanya ang agad niyang tatanggapin. Kung ganoon ang gagawin mo, baka naman lalong lumala ang iyong karamdaman.

Ah, kailangan mong malaman na hindi porke sinabi sa screen test na mayroon kang dementia o cancer ay agad ka ng maniniwala. Kailangan mo pa rin siyempreng bumisita sa ospital at mgpatingin sa espesyalista kung  ano nga ba ang stage ng iyong karamdaman o kaya naman kung anu-ano ang gamot na makabubuti sa’yo kung talaga nga bang may ganoon kang karamdaman.

Para hindi ka na masyado pang kabahan, makabubuting huwag ka na sumailalim sa screening test  kapag alam mo ng mayroon kang nararamdamang bukol sa’yong katawan o kaya naman ay pumapalya na ang iyong memorya. Sa mga ganitong kaso kasi, kailangan ay mga espesyalista na ang titingin sa’yo.