PAGDI- DAY OFF, NAKATATABA!

Narito po ang mga kakaibang artikulo na aking nakalap. Sana po ay ma-enjoy ninyo silang basahin. 

SA aking pagsasaliksik ay napag-alaman ko na ang pagdi-day off  daw ay nakatataba!

Naku po, siguradong marami ang empleyado ang magri-react sa aking sinabi. Siyempre, lahat ng nagtatrabaho ay kailangan din ng isa o dalawang araw na pahinga. Hindi naman porke marami kang ginagawa, aabusuhin mo na ang iyong sarili. Tiyak na magkakasakit ka kapag hindi mo itinigil ang pagtatrabaho.

Sabi nga, kailangan mong mag-relax. Kaya kung mayroon kang day off, makabubuting  huwag ka munang mag-isip tungkol sa trabaho. Mag-enjoy ka muna. Ito na ang pagkakataon mo para magsaya. Sabi nga, kailangan mo ring mag-happy happy. Ngunit, bago ka makaramdam ng sobrang kasiyahan dahil mayroon kang day off, kailangan mong basahin ang artikulo na ito.

Sa  pagsasaliksik ng aking malikhaing pag-iisip ay napagtanto ko na kapag ang isang tao ay nagdi-day off, napakalaki ng tsansa na siya ay lumaki nang lumaki. As in, tataba siya ng husto. Kaya , ang mga taong magkakaroon ng bakasyon mula sa kanilang trabaho ay kailangang mabalaan ng husto.

Kung tayo ay nagtatrabaho ay wala tayong ginawa kundi isipin kung paano matatapos ang ating trabaho. Kung minsan nga ay hindi na halos tayo nagbi-break dahil ibig natin na mapa-‘wow’ ng husto ang ating mga bossing. Samantalang kapag nag-off tayo, wala tayong ibang iisipin kundi kung paano masisiyahan o paano natin mai-enjoy ang araw na iyon.

O, hindi nga ba, kapag nasa bahay lang tayo, wala itayong ibang mapuntahan kundi ang kusina. Sa madaling salita ay wala tayong ginawa kundi kumain nang kumain. Pagkaraan ay matutulog tayo.  Ang resulta noon, bibigat ang ating timbang. At kahit na nagpasya tayong mag-mall, at nag-window shopping ka o naglakad nang pagkahaba-haba, siguradong sa fastfood o restaurant din ang magiging destinasyon mo.

Kaya naman sa pagsasaliksik ng mga malikhaing pag-iisip ng mga eksperto
 ay aking napag-alaman na 10,000 calories ang naku-konsumo ng mga taong nagdi-day off. Aminin mo, mas masarap kumain kapag kasama mo ang iyong pamilya o mga kaibigan. Kung minsan nga ay mas  gaganahan ka pang kumain kapag may softdrinks o alak.  At mas mabilis pa ang pagiging pagtaba mo kung 2 araw ang iyong day off.

O, hindi ba, karamihan sa mga nagtatrabaho sa atin ay Lunes hanggang Biyernes lang ang pasok.

Kung ibig mong magkaroon ng magandang katawan, nanaisin mo pa bang mag-day off?

PAGLALARO NG ACTION GAMES, NAKAKATULONG PARA MABAWASAN ANG GALIT NA NARARAMDAMAN

Narito po ang mga kakaibang artikulo na aking nakalap. Sana po ay ma-enjoy ninyo silang basahin. 

HINDI naman pala lahat ng action games ay makasasama sa ating anak. Basta ang kailangan lamang ay piliing mabuti kung ano ang laro ang makabubuti para sa ating mga anak. Kung mayroong PSP, Xbox o kung anumang game console an gating anak, tiyakin mo lang na ang lalaruin niya ay makabubuti rin sa kanya.

Sa aking pagsasaliksik ay napag-alaman ko na ang larong Grand Theft Auto at Mortal Kombat ay hindi nakapipinsala sa ating anak. Sa halip ay  nakagagaling pa ito, lalo na sa mga taong mayroong hyperactivity disorder (ADHD) or depression.

Kung ang mga bata kasi ay nakakaranas na ma-bully sa eskuwelahan ay ito ang paraan para maibuhos nila ang inis at galit na kanilang nararamdaman. Sa pamamagitan ng mga laro na ito ay iisipin nila na ang kanilang mga kalaban ay ang mga umaapi sa kanila. Sa pamamagitan noon ay magagawa na nilang mailabas ang sama nbg loob na kanilang nararamdaman.

Ang mga tao na kinikimkim lang ang sakit na nararamdamanan ay karaniwang nagtatamim ng sama ng loob. Ngunit, kung may pagbubuhusan sila ng galit na kanilang nararamdaman ay unti-unting mawawala ang sakit na kanilang pinagdaraanan.

Kaya, huwag mong isipin na kapag ang anak mo ay naglalaro ng bayolenteng laro sa computer , ay magiging bayolente na sila dahil may mga pag-aaral na isinagawa na nagsasabi na hindi naman makakaapekto ang mga ganitong laro.

Sabi nga nila na ang killer sa Connecticut ay naglalaro ng bayolenteng games sa kanyang kuwarto ng maisip niyang umalis at pagpapatayin ang mga tao sa kanyang paligid, ngunit, tiyak naman na may mas malalim na dahilan kaya niya nagawa iyon at iyon ay dahil sa matinding galit.

Kaya nga, makabubuti kung ang galit na nararamdaman natin ay ating papawiin, at sabio sa pag-aaral, ang paglalaro ng video games ay nakakatulong para mawala ang galit na iyong nararamdaman.

Ah, mas maigi pa rin talaga kung ang mga magulang ay magkakaroon ng oras sa kanilang mga anak. Sila ang maaaring magsabi sa kanilang anak na hindi dapat magtanim ng galit sa kanilang kapwa. 

O, masama ba ang loob ng iyong anak?

Sa tingin mo ba ay mayroon siyang depresyon?

Kung ganoon, bakit hindi mo siya samahan maglaro ng video games?