Barya, sanhi ng eczema at allergy

AYON sa pagsasaliksik, ang paghawak sa coins o barya ay dahilan kaya maaari kang magkaroon ng eczema at allergies.

Marami ang nagsasabi na ang pera ang dahilan kaya tayo nagkakaroon ng magandang buhay. Kaya naman nais natin ay parati tayong mayroong pera. Hindi naman mawawalan ng pera ang ating wallet kung mayroon tayong trabaho at magagawa nating magtipid. Sa pamamagitan nito ay mayroon kang perang mahuhugot kapag kailangang-kailangan mo na.

Pero, teka, ikaw ba ang tipo na laging may perang hawak?

Kung ikaw ay nagtatrabaho sa banko o ‘di kaya naman ikaw ay tindera, tiyak ko nga na palagi kang nakakahawak ng pera. Kung minsan naman kahit na hindi ka nagtatrabaho sa mga ito ay lagi ka ring humahawak ng pera.

Hmmm, ganoon ka nga ba?

Kung ikaw ay parating humahawak ng coins, kailangan mong mabasa ang artikulo na ito. Sa pamamagitan nito ay magagawa kong maibahagi sa’yo ang panganib na dulot ng palaging humahawak ng pera.

Alam na naman natin na ang pera ay napakarumi. Kung sinu-sino kasi ang humahawak nito kaya naman palipat-lipat  lamang ang mikrobyo nito. Masasabi namang isang malaking kalokohan kung huhugasan mo ang iyong coins at sasabihin para lang maalis mo roon ang mikrobyo. Tiyak ko din naman kasi na ang makakaisip lang nito ay ang taong kulang sa katinuan.

So, marami ka bang coins?

Aba’y huwag mong masyadong hawakan ‘yan dahil baka bigla ka na lang magkaroong ng eczema at allergy. Dahil kasi ang ilang mga coins ay masyadong makintab, nangangahulugan na maraming nickels na  sangkap dito kaya maaaring maging dahilan iyon para magkaroon ka ng sakit sa balat.

Kaya naman kung ikaw ay mayroong nickel allergy, hujwag kang basta-basta hahawak ng coins dahil maaaring maging napakapanganib nito sa’yo. Makakaramdam ka ng matinding pangangati at maaari pang mamaga ang iyong kamay. Siguro naman ay hindi mo nanaisin na mangyari iyon sa’yo, ano?

Kaya kung hindi naman kinakailangan, huwag kang masyadong maghawak ng pera. Kung ikaw naman ay cashier at  tindero, maigi kung maglalagay ka ng proteksyon sa’yong kmay para hindi mo maranasan ang pagkakaroon ng sakit sa balat.