DAHIL SA KAKAIBANG KARAMDAMAN… TEENAGER, MUKHA NG LOLA

MUKHA na akong matanda! Ito ang karaniwang sigaw ng babae kapag napapaharap siya sa salamin at makakakita siya ng kulubot sa kanyang balat. Alam niya kasing ito ang senyales ng pagtanda.

Para sa isang babae, napakahirap tanggapin nito, lalo na’t noong kabataan niya ay wala siyang ginawa kundi ang magpaganda at alagaan ang kanyang sarili. Kaya naman kapag sapit niya ng 40 pataas ay parang nagiging praning na ang mga banidosang babae na ito. Hindi na halos lumalabas ng bahay at kung minsan pa nga ay nagtatalukbong para lang huwag makita ang kulubot niyang balat.

Tsk, sobrang OA. Marahil, ito ang agad mong sasabihin kapag may nakilala kang ganitong klaseng tao. Well, hindi mo naman kailangan pang lumayo sapagkat kung bubuksan mo lang ang iyong tv, siguradong marami kang artista na makikita na puro salamat pod ok. Kahit naman kasi may edad na sila ay nais pa rin nilang maging magandang-maganda sa paningin ng marami.

Ikaw, banidosa ka ba?

Ibig mo bang maging maganda ka palagi sapagkat naniniwala ka na marami ang magmamahal sa’yo dahil sa’yong kagandahan.

Bago mo ipagpatuloy ang iyong pagpapaganda, nais kong ibahagi sa’yo ang istorya ng isang teenager na hindi halos naramdaman na isa siyang kabataan na karapat-dapat din namang hangaan. Kahit kasi mag-make up siya nang mag-make up, hindi mapapansin ang kanyang kagandahan dahil mayroon siyang sakit na lipodystrophy.

Iww…kapag mayroon kang ganitong karamdaman ay magmumukha ka ng matanda kahit teenager ka pa lang. Ang tao kasing may ganitong karamdaman ay nagiging kulu-kulubot ang balat. Tulad na lang  nang nangyari sa tauhan sa artikulo natin ngayon.

Si Zara Hartshorn, 16, mula sa Rotherham, South Yorkshire, ay namana ang sakit na lipodystrophy sa kanyang ina na si Tracey Gibson.

Dahil mayroong lipodystrophy si Zara, hindi naging maganda ang kanyang kabataan. Palagi siyang tinutukso, nililibak. 12 years old pa lamang siya noon pero napagkakamalan na siyang 30 years old at noong tumuntong siya ng 17 years old ay nagmukha na siyang ina ni Chloe, ang nakababata niyang kapatid na hindi nakamana ng sakit na iyon.

Kaawa-awa ang mga taong may sakit na ganito. Hindi lang dahil maaga silang tatanda kundi dahil unti-unti ring nasisira ang kanilang  buto.  Maging ang kanyang kalamnan ay nadadamay.

Kaya naman masasabi ko na napakapalad natin at wala tayong ganitong karamdaman. Kaya makabubuti kung makukontento tao sa kung anong mayroon tayo. Hwag ka na magreklamo kung nangungulubot na ang balat mo. Natural iyon dahil nagkakaedad ka na. Kaya magpasalamat ka na lang ng husto at wala kang karamdamangg ganito.