PAGDIDIYETA, PAMPATALAS NG MEMORYA

36-26-36. Ang perpektong vital statistic ng isang babae. Kaya naman kung mayroon kang ganitong katawan, siguradong hindi lang isang lalaki ang sisipol sa’yo. Samantalang kung ikaw naman ay walang ginawa kundi ang kumain, siguradong siguradong tataba ka nang tataba. Hanggang sa hindi ka na halos makahinga.

Ikaw, mataba ka ba?

Aba, huwag mo sanang balewalain ang iyong sarili. Kailangan namang kahit paano ay mabawasan ang iyong timbang. Huwag mong hayaang maging tampulan ng tukso ang iyong katabaan. Para mabawasan ang iyong katabaan, kailangan ay mag-ehersisyo ka palagi. Hindi kailangang gumugol ka nang napakahabang oras para lang ikaw ay pumayat. Ang kalahating oras na pag-eehersisyo ay makatutulong na para ikaw ay pagpawisan. Kaya, gawin mo ito.

Kung ikaw ay papayat, baka sakaling matupad ang pangarap mong matagpuan ang iyong Prince Charming. O, nais mo bang mangyari iyon? Tandaan mo, ang type ng mga lalaki ay iyong may magandang pangangatawan.

Alam mo bang bukod sa magkakaroon ka ng magandang pangangatawan  kapag nag-ehersisyo ka ay may maganda rin idudulot sa’yo ang pag-eehersisyo. Sa pamamagitan noon  ay tatalas ang iyong memorya.

Sabi nga ng mga scientist, nag-i-improve ang memory ng isang mataba kapag siya ay pumayat. Marami na siyang mga bagay na madaling maalala.

Ang mga mananaliksik sa Umea University na matatagpuan sa Sweden ay kumuha ng 20 overweight, post menapousal woman , na nagdieta sa loob ng anim na buwan. Doon ay kinumpirma nila na ang memorya nila ay tumalas. Madali na nilang natatandaan ang mga importanteng bagay na dati’y madali nilang nakakaligtaan.

Ikaw, okay  ba ay mataba?

Gusto mo bang maging makakalimutin?

Kung ayaw mo, maiging magdiyeta ka na.

Ito naman ay labis na makakatulong sa’yo, hindi lang dahil magkakaroon ka ng magandang katawan kundi dahil sa tatalas ang memorya mo.