MGA NANINIGARILYO, PUMAPANGIT AT NAWAWALAN NG SILBI SA KAMA

Alam na alam natin na ang paninigarilyo ay magiging dahilan para magkaroon tayo ng cancer sa baga pero marami pa ring mga tao ang matitigas ang ulo, hindi iniintindi ang maaaring mangyari sa kanila.  Kung minsan nga ay hinahamon pa nila ang sakit.

O, hindi ba, may nagsasabi pang, ‘Hindi ako tatablan ng cancer. Matigas yata ito’. Pero sa huli ay mapagtatanto din niya na wala siyang kapangyarihan na awatin si karamdaman na pumasok sa’yong katawan. Ito ay dahil naging pabaya ka rin sa’yong sarili.

Ikaw, ganoon ka ba?

Kung mahal mo ang iyong sarili, siguradong iiwasan mo na ang paninigarilyo dahil ibig mong magkaroon ng mahabang buhay.

Pero, alam mo ba kung ano ang epektibong paraan para makaiwas ang mga banidosa at banidoso sa sigarilyo? Kapag nalaman nila na ang paninigarilyo ay magiging dahilan para ikaw ay pumangit.

Alam mo bang sa labis na paninigarilyo ay maagang kukulubot ang iyong balat. Kaya ang mga babae na gustong magkaroon ng magandang kutis, kailangang itigil na ang paninigarilyo o mas mabuti kung hindi siya maninigarilyo. Kailangan ding malaman ng mga kalalakihan na ang paninigarilyo ay magiging daan para mawalan ka ng gana sa sex. Dahil dito ay hindi mo mapapaligaya ang iyong partner.

O, nais mo bang maging pangit?

Nais mo bang mawalan ng silbi sa kama?

Ayon sa pagsasaliksik, ang masamang epekto ng paninigarilyo ay hindi agad eepekto sa’yong katawan. Kung 13 to 36 ka pa lang ay wala ka pang sakit na mararamdaman dahil malakas pa ang resistensiya mo ngunit habang tumatanda ang tao ay mararamdaman mo na ang  resulta ng pagiging addict mo sa sigarilyo. At sa pagsapit mo sa 50, ay makakaramdam ka na ng panghihina. Hindi lamang ang cancer sa baga ang maaari mong makuha, maging ang cancer sa lalamunan.

Ilang taon ka nab a?

Kahit bata ka pa lamang, siguradong may kakaiba ka ng nararamdaman sa’yong katawan ngunit binabalewala mo lang. Sige, humarap ka sa salamin, itanong mo, pumapangit ka ba? Nanghihina ka bas a sex?

Kung ganito ang nararamdaman mo, ipagpapatuloy mo pa ba ang paninigarilyo?