ANG mga taong may
matatabang hita ay magiging mabagal ang paglakad sa kanilang pagtanda, ayon sa
pagsasaliksik.
Marami man ang nagsasabi na talaga namang bumabagal ang paglalakad
ng tao kapag sila ay matatanda na, mayroon pa rin namang ilan na kahit matanda
na ay mabilis pa rin ang paglalakad. Kung minsan nga ay sumasali pa sila sa
takbuhan.
Ikaw, kaya mo pa bang maging magaling na runner?
Kung ibig mong magkaroon ng malusog na pangangatawan,
sigurado akong gugustuhin mo na tumakbo. Kahit sa loob lang ng iyong bahay o
bakuran kung ibig mong maging masigla ay hindi ka makakalimot mag-jogging.
Maaari ngang maging hobby mo pa ang pagtakbo at sumali ka na rin sa mga paligsahan.
Kung magkakaroon ka ng medalya dahil sa pagtakbo siguradong mas makararamdam ka
ng kasiyahan.
Kung tamad na tamad ka sa pagtakbo, pagmasdan mo ang iyong
hita. Kung may katabaan iyan, basahin mo ang artikulo na ito para malaman mo
kung ano ang maaaring mangyari kung mananatiling mataba ang iyong mga hita.
Sa aking pagsasaliksik ay napagtanto ko na ang mga taong may
matatabang hita ay bumabagal ang kanilang paglalakad. Ang pag-aaral ngang ito
ay inilabas pa ng American Journal of Clinical Nutrition.
Sabi rin sa pagsasaliksik, ang mabagal lumakad ay may tendensiya na maraming sakit na
nararamdaman.
Ikaw, nais mo bang magkaroon ng sakit pagdating ng araw?
Kung ayaw mong mangyari iyon, makabubuting ngayon pa lang ay
tingnan mo na ang iyong hita. Kung sa tingin mo ay mataba ‘yan, gumawa ka na ng
paraan para lumiit ‘yan. Sabi nga, ang pagja-jogging ay nakakatulong para
malusaw ang taba na nasa iyong hita at
pagkaraan ay maging siksik na ‘yan sa muscle.
O, nais mo bang magkaroon ng mahabang buhay?
Kung sasabihin mong ‘oo’ siguraduhin mo na pagdating ng
panahon ay magagawa mo pa ring balansehin ang iyong sarili.
Walang komento:
Mag-post ng isang Komento