MGA BATANG NAGLALARO SA LABAS NG TAHANAN, MAS MALINAW ANG MATA

MAS malinaw ang mata ng bata kapag naglalaro siya sa labas ng bahay kaysa iyong nakakulong lang siya sa kanilang tahanan, ayon sa masusing pagsasaliksik.

Sabin g marami, mas maigi ng naglalaro lamang sa loob ng tahanan ang isang bata kaysa naglalaro sa labas ng kanilang tahanan. Kung nasa loob lang kasi ng tahanan ang isang bata, maaari silang malayo sa mga aksidente.

Alam na alam natin na kapag nasa labas ng tahanan ang bata ay makikipaghabulan siya sa kanyang mga kalaro, magbibisekleta sila o magbabasketball. Dahil sa mga aksidente na hindi naman natin kayang pigilan, maaaring mabagok ang ulo ng bata kapag na-out of balance siya o di kaya naman ay maaari siyang mapilayan o magkaroon ng brain hemorrhage kapag nasagasan siya o nabagok ang kanyang ulo.

O, nanaisin mo ba na magkaganito ang iyong anak.

Bagamat ayaw natin na mapahamak ang ating mga anak, hindi naman natin sila mapipigilan sa gusto nilang gawin. Sabi nga, kapag hindi natin hinayaan na makapagdesisyon an gating anak para sa kanyang sarili, hindi siya magkakaroon ng paninindigan.

Teka, alam mo bang may kabutihan naman dulot ang paglalaro sa labas. Sa akin ngang pagsasaliksik ay napagtanto ko na mas malinaw ang mata ng bata kapag sila ay nasa labas ng bahay.

Ang lliwanag kasi na nagmumula sa araw ay nakakatulong upang ang isang tao ay hindi makaranas ng short eyesightedness. Ang kondisyon na ito ay nakukuha kapag masyadong naaabuso ang iyong mata, Sa panonood ng tv, pagku-computer o pagbabasa na lang ng libro halimbawa.

Kung ang isang tao kasi ay parati na lang nasa loob ng kanilang tahanan, ganito lang ang kanilang magagawa – magbasa, manood ng tv at mag-computer. Samantalang ang mga batang naglalaro sa labas ng bahay ay malayo ang natatanaw. Hindi pa kinakailangan na magdusa sa radiation ang kanilang mata.

Kung ikaw ay magiging mapanuri. Sa panahong ito ay makikita natin na marami ng mga bata ang nakasalamin. Paano’y mas nai-enjoy na nila ang kung anu-anong gadgets na dahilan kaya lumalabo ang mata.

O, hindi ba nais mong magkaroon ng malinaw na mata ang iyong anak hanggang sa kanyang paglaki?