Kulang man o sobra sa timbang… Maaaring magkaroon ng autism sa kanyang paglaki

AYON sa pagsasaliksik, kapag ang sanggol ay tumitimbang ng mas mabigat sa 9lbs at mas mababa sa 5lbs ay may malaking tsansa na magkaroon ng ‘autism’.

Kung ang isang tao ay mayroong autism ay nahihirapan siyang makipag-communicate sa kanyang kapwa. Hindi porke mayroon kang ganitong karamdaman ang isang tao, ay mayroon na rin siyang abnormal na hitsura. Posible naman kasing normal ang kanyang hitsura pero hindi ang kanyang pag-iisip.  Kahit ibig ng isang tao na makipag-communicate sa kanyang kasamahan, kamag-anak o sa kanyang pamilya, mahihirapan siyang gawin kung laging may pangamba sa kanyang utak at puso. Tulad nga ng mga batang mayroong ganitong karamdaman.

Ikaw, sa palagay ba ay may posibilidad na magkaroon ka ng ganitong karamdaman?

Sa aking pagsasaliksik ay napagtanto ko na ang pagkakaroon pala ng ganitong karamdaman ay maaaring may kinalaman sa timbang mo noong ikaw ay ipinanganak.

Kaya raw maaaring magkaroon ng autism ang mga batang sobrang bigat at sobrang gaan ang timbang, ay dahil kulang t sobra ang nutrisyon na nakukuha ng kanyang katawan at utak.

Kung ang buntis ay walang gaanong kinakain ay talagang hindi lubos ang talino na makukuha ng bata. Kung sobra-sobra naman ang matatamis na kinakain ng ba ay tila malulunod pa rin ang fetus na nasa sinapupunan ng kanyang ina.

Kaya bilang ina, kailangan mo rin pangalagaan ng husto ang iyong anak na nasa sinapupunan mo. Huwag ka dapat magpalipas ng gutom at huwag mong sobrahan ang pagkain dahil magiging resulta ito ng mental disorder ng iyong anak.

O, hahayaan mo bang maging ganoon ang iyong baby?

Huwag naman sana dahil kawawa naman siya sa kanyang paglaki. Biruin mo ay mahihirapan siyang makipag-communicate sa  kanyang kapwa.

Nanaisin mo bang mangyari iyon.

Sana ay huwag.

Habang nasa sinapupunan pa lang ang iyong anak, mas makabubuti kung pangangalagaan mo na siya para maging okay ang kanyang mental development.