Mga empleyado na sama-samang nagtatrabaho, madalas magkasakit

AYON sa pagsasaliksik, ang mga empleyadong nagtatrabaho sa isang malawak na kuwarto na maraming katrabaho ay hindi makapagtatrabaho ng maayos, hindi gaanong masaya at palaging nagkakasakit.

May mga kompanya na pinagsasama-sama sa iisang silid o lugar ang kanilang empleyado. Katwiran kasi nila, iisa lang naman ang gagawin ng mga ito kaya dapat lamang na magsama-sama na ang mga ito.

Okay lang naman talaga na magkakasama lang sa isang malawak na lugar ang magkakatrabaho, magagawa pa nilang makapagkuwentuhan. Sa pamamagitan nu’n ay magkakakilala silang lahat. Ngunit, hindi lahat ay may magandang epekto. Sa akin ngang pagsasaliksik ay napagtanto kong mayroon din itong disadvantages.

Ayon sa aking pagsasaliksik ay napagtanto ko na ang empleyadong nagtatrabaho sa open-plan offices ay hindi gaanong nakapagtatrabaho nang maayos. Kung sila ay pagmamasdan mo nang mabuti ay mapagtatanto mo na hindi sila masaya. Karamihan pa nga sa kanila ay panay ang hugot nang malalim na buntung-hininga.

Ayon nga sa pagsasaliksik ng Virgin State University at North Carolina State University na matatagpuan sa U.S., ang mga empleyado na sama-samang nagtatrabaho sa iisang lugar ay hindi nakapagtatrabaho ng maayos dahil marami siyang distraction. Kung lagpas nga naman sa sampung tao ang mga nasa silid na ito, siguradong may ilan na hindi makakatiis na hindi dumaldal. At pagkaraan lang ng ilang sandali ay mararamdaman mo n naiirita ka na lalo pa’t may ilan pang sasagot. Hanggang sa makabuo ng nakaririnding ingay ang iyong mga kasamahan.

May mga tao kasi na hindi rin gugustuhin na magkaroon ng maingay dahil mahihirapan siyang mag-concentrate. Ngunit hindi naman siya maaaring manita nang manita Tiyak kasing dahil doon ay makakatagpo pa siya ng away. Kaya, no choice ka na kundi ang magpasensiya. Sa huli tuloy ay mapagtatanto mo rin na hindi ka na masaya sa’yong trabaho.

Kung ikaw naman ay may malaking responsibilidad sa’yong pamilya, sigurado ako na wala kang ibang pagpipilian kundi ang magtiyaga. Ngunit, habang tumatagal ka sa lugar na iyon ay unti-unti kang makakaramdam ng panghihina. Dahil nga sama-sama kayo sa iisang lugar ay palipat-lipat lang sa inyo ang germs ng kung sinu-sino. Dahil doon ay hindi maiiwasan na kayo ay magkasakit. Samantalang kung ikaw naman ay nagtatrabaho sa opisina at may kanya-kanya kayong cubicle, siguradong makapagku-concentrate kayo ng maayos kaya magagawa ninyo ng maigi ang iyong trabaho. Dahil malayo ka sa kasamahan mo ay maiiwasan na magkaroon kayo ng sakit. O, ano ba ang hitsura ng working place mo?