PAGGAMIT NG GEL MANICURE, SANHI NG SKIN CANCER

Ang gel manicure ay nakaka-skin cancer, ayon sa pagsasaliksik.

Sa kagustuhan ng mga babae na maging magandang-maganda sa paningin ng marami at para na rin makaramdam siya ng satisfaction sa kanyang hitsura ay gusto niyang palaging presentable. Hindi nga niya makuhang makontento sa simpleng manicure lamang. Ang ibig pa niya ay magkaroon ng design ang kanyang daliri bukod sa cutix ay ibig din niyang mayroon pang ibang arte sa kanyang daliri.

Ang teenagers ngayon ay nagpapalagay pa ng nail art sa ibabaw ng kanilang cutix. Pakiwari kasi nila ay astig iyon. Kaya naman, kung minsan ay naiisip pa nilang magpa-gel manicure. Tulad ng nail art ay mayroon din itong arte upang maging mas kaakit-akit ang kanilang daliri sa paningin ng marami.

Iyon nga lang, kailangan mo ring malaman ang maaaring kahinatnan ng iyong balat kapag ikaw ay nagpa-gel manicure. Para kasi maging matagumpay ang iyong paggi-gel manicure ay kinakailangan mong ipasok sa machine ang iyong kamay at magbibigay iyon ng UV light para matuyo ang iyong gel manicure.

Kapag nakita mong naging maganda ang kinahinatnan ng iyong paggi-gel manicure ay nakatitiyak ako na ikatutuwa mo iyon at ipagmamalaki sa’yong mga kaibigan at kamag-anak. Ngunit, kailangan kitang mabalaan dahil sa aking pagsasaliksik, ang paggamit dawn g gel manicures ay makapagbibigay ng komplikasyon sa ating balat. Katunayan ay makapagdudulot pa ito ng skin cancer.

Hindi naman kasi magiging matagumpay ang paglalagay ng gel manicure kung hindi mo ipapasok ang iyong kamay sa machine na magbibigay ng UV light. Sa pamamagitan noon ay maaari pang maging manipis ang iyong kuko at magbigay sa’yo ng skin cancer.

Ito nga ay pinatunayan ni Dr Chris Adigun. Mula sa New York University School of Medicine. Ang paggamit daw kasi ng UV lamps ay magiging dahilan para masira ang kanyang balat at kalaunan ay magiging skin cancer iyon.

O, nanaisin mo bang magkaroon ng ganitong sakit dahil lamang sa kagustuhan mong makasabay sa uso?